O Concello de A Guarda organiza o obradoiro de canto para mulleres “Con Voz Propia”
• Será impartido por Cristal Méndez Queizán (Maga de Voz)
Infogauda / A Guarda
O Concello de A Guarda, organiza o obradoiro de canto “con Voz Propia”, que será impartido por Cristal Méndez Queizán (Maga de Voz).
Esta actividade realizarase todos os xoves en horario de 17:30 a 20:30h dende o 9 de febreiro ata o 30 de marzo.
Desde o Goberno municipal indican: “Trátase dun obradoiro de canto para mulleres, no que se busca o empoderamento das participantes a través da voz e do canto.”
As inscricións están xa abertas no Centro de Información á Muller (CIM) de A Guarda, a carón do xulgado de paz) na praza de San Marcos, no teléfono 986 61 46 48 e no enderezo electrónico muller@aguarda.es
Esta actividade conta co financiamento e apoio do Ministerio de Igualdad, e do Pacto de Estado contra a violencia de xénero.
Ningún comentario:
Publicar un comentario