DEPORTES

FÚTBOL

Primeira Rexional - Grupo 5

O SPORTING GUARDÉS RECIBIRÁ AO SAN ADRIÁN

O domingo día 23 de outubro, ás 4:45 da tarde, no Estadio Municipal a Sangriña 

Ricardo Rodríguez Vicente / A Guarda

 Logo de valioso punto (empate a 1 gol) logrado na xornada 6ª, no campo do Mondariz, C. F., equipo situado no posto 3º da táboa clasificatoria; o Sporting Guardés (que ocupa o posto 17º), recibirá no Estadio Municipal de A Sangriña, o vindeiro domingo día 23 de outubro, ás 4:45 da tarde, ao San Adrián.

 O equipo visitante conta no seu haber con 9 puntos, e está situado no posto 6º da táboa. 

 O Sporting Guardés ten nestes momentos 4 puntos. A diferencia non asombra a ninguén, e o conxunto de Víctor López ten capacidade suficiente para lograr puntuar. A proba tivémola o pasado domingo, no que o equipo miñoto logrou anotarse un punto fronte a un rival que a priori semellaba presentar máis posibilidades de facerse coa victoria. 

 En calquer caso, no fútbol non hai máis ciencia que xogar co propósito de ser un equipo que non lle poña fácil o labor ao rival que teña enfronte, e procurar, deportivamente falando, facerse coa victoria.

 Mirando hacia adiante - porque dos recordos non se vive -, o Sporting Guardés deberá sair ao céspede da Sangriña con toda a enerxía e intelixencia para tentar impoñerse ao San Adrián. Para iso, ademáis do pundonor do equipo guardesista, e da mellor disposición de todos os seus xogadores, será moi de ter en conta o apoio dos seareiros de A Guarda e súa contorna.