A GUARDA

Finalizadas as obras de mellora no Club de Remo Robaleira  

O Concello e a Xunta acometeron obras de substitución da cuberta e pintado exterior da sede do Club de Remo Robaleira  

O alcalde e a concelleira de Deportes, con directivos e deportistas do Club de Remo Robaleira, de A Guarda, diante das instalacións que usufrutúa esa entidade deportiva

Fotos: C.A.G.

O alcalde e a concelleira de Deportes nun momento da visita as instalacións do Club de Remo Robaleira

Infogauda / A Guarda

 Un convenio entre o concello de A Guarda e a Secretaría Xeral para o Deporte fixo posible o financiamento dunhas obras no Club de Remo Robaleira que non podían demorarse por máis tempo. O deterioro da cuberta do edificio estaba provocando estragos que se viñan agravando nos últimos anos.  

 Por ese motivo, o concello, na súa política de mellora das instalacións deportivas da localidade, trasladou ao Secretario Xeral para o Deporte, Xosé Ramón Lete Lasa, a urxencia desta obra, motivada pola chegada do inverno. 

 O alcalde, Antonio Lomba Baz, agradece publicamente a rápida implicación do Secretario Xeral para o Deporte no financiamento desta actuación.  

 Estas obras contaron cun orzamento total de 29.383,49 €, dos cales 23.506,80 € achegounos a Secretaría Xeral para o Deporte e 5.876,69 € foron achega municipal.  

 Dende o club tamén trasladaron ao alcalde, Antonio Lomba Baz e a concelleira de deportes, Mª Montserrat Magallanes Álvarez, o seu agradecemento pola implicación do concello na mellora das instalacións. Agora a directiva está facendo xestións para decorar con pinturas murais as paredes exteriores do edificio. O concello tamén está disposto a ser participe desta iniciativa,  

 Tanto o concello como a Secretaría Xeral para o Deporte participan neste proxecto co obxectivo de potenciar o deporte base, sendo conscientes da importancia da colaboración económica de todas as administracións para afrontar obras que beneficien ao conxunto dos cidadáns para a práctica deportiva.