O Museo do Pobo Galega reabre tras o confinamento o vindeiro martes 2 de xuño
· O horario será continuado de 11 ás 18 horas de martes a sábado
· A reapertura inclúe unha pequena mostra titulada A peste, outra vez!
Museo do Pobo Galego
Foto: M.P.G.
Infogauda / Santiago de Compostela
O
pasado 14 de marzo o Museo do Pobo Galego veuse obrigado a pechar as
súas portas en cumprimento da normativa da sanitaria vixente para
espazos públicos pechados. Obriga e responsabilidade co fin de impedir a
transmisión do virus Covid-19 e garantir a seguridade do persoal e do
público do Museo.
Despois de dous meses e medio, o Museo pode volver a
abrir as súas portas para o que adoptou unha serie de medidas co fin de
garantir o dereito de acceso da cidadanía á cultura. O público
visitante deberá ter en conta unha serie de indicacións ao acceder ao
Museo, indicacións que terán expostas na entrada da entidade onde o
persoal estará tamén para axudar e responder a calquera dubida e que
tamén estarán dispoñibles na páxina web do Museo. A estas indicacións
xerais que veñen da normativa sanitaria, o Museo tamén acometeu
traballos de sinaléctica e adaptación dos aforos e da circulación para
manter a distancia recomendable entre o público visitante.
Para
adaptarse mellor a nova situación estableceuse un novo horario de
apertura con xornada continuada, que vai de 11:00 ás 18:00 horas, e os
domingos de 11:00 ás 14:00 horas. Mantense o habitual peche dos luns
para o público. Este horario estará en vigor desde o vindeiro martes 2
de xuño, xornada na que a entrada vai ser de balde.
O Museo reabre
programando a micro exposición titulada A peste, outra vez!. Realizada
con fondos propios estará instalada no andar alto do claustro durante os
meses de verán. Ademais, o día 9 de xuño volverase a abrir a mostra As
pequenas cousas, que viu diminuído o seu tempo de exposición por mor
desta pandemia.
O acceso á biblioteca e arquivo quedará restrinxido a
persoas investigadoras e a atención prestarase preferentemente de
maneira telemática. En caso de necesaria atención presencial, será con
cita previa.
Na web www.museodopobo.gal pódese consultar toda a
información e actividades.
Ningún comentario:
Publicar un comentario