OIA

Degustación “A Gastronomía galega fai camiño” 

No Camiño Portugués da Costa

 

Infogauda / Oia 

 Dende a Asociación de Grupos de Desenvolvemento Rural de Galicia en colaboración cos Grupos de Desenvolvemento Ruralestamos a levar a cabo o Proxecto "A gastronomía fai camiño" que forma parte do programa O teuXacobeo, impulsado pola Xunta de Galicia.

 Os obxectivos do proxecto son a  elaboración dunha guía de pratos tradicionais e de producións locais e de tempada polas comarcas por onde transcorren os Camiños de Santiago e a realización dunha degustacións destas receitas convidadando aos restaurantes e aos Grupos de Desenvolvento Rural dese Camiño coa finalidade de animar aos hostaleiros a ofertar un menú para as persoas que peregrinen e o turismo en xeral elaborado con productos locais, tradicionais e de tempada.  

 A través do proxecto a gastronomía fai camiño preténdese tamén dar a coñecer as tradicións asociadas a estes produtos. 

 A undécima degustación organizada pola Asociación de GDRS en colaboración co GDR 14, Asociación de Desenvolvemento Galicia Suroeste Eurura lterá lugar  este martes día 22 de outubro ás 19:00 horas no restaurante Casa Henriqueta, no Concello de Oia, un dos concellos por onde transcorre o Camiño Portugués da Costa. 

 Están convidados a participar os restaurantes e os Grupos de Desenvolvemento Rural por onde transcorre o Camiño Portugués da Costa.