A GUARDA

O Concello abre o prazo para participar en «Decora o teu Nadal 2019» 

Este ano o tema obxectivo vai ser «Nadal Mariñeiro»

Infogauda / A Guarda

 O Concello de A Guarda, a través da Concellería de Cultura, ven de lanzar as bases para «Decora o teu Nadal 2019», unha campaña centrada no embelecemento da nosa vila, de cara a unha das datas mais importantes para a mesma, o Nadal, época de lecer e reencontro coa familia e os amigos.  

 Deste xeito á Concellería de Cultura convida a todas as asociacións e colectivos guardeses a participar un ano máis, e implicarse na decoración de Nadal de espazos públicos do municipio aportando a súa creatividade e bo facer.  

 Este ano o tema obxectivo de «Decora o teu Nadal 2019» vai ser «Nadal Mariñeiro», rematando deste xeito o ano 2019 co mar coma protagonista.  

 Cada asociación ou colectivo poderá participar cun máximo de unha proposta, sendo preciso empregar materiais, principalmente de refugallo, non contaminantes e resistentes ao exterior.  

 As bases completas xa están a disposición dos interesados no Departamento de Cultura do Concello de A Guarda e na web municipal.  

 O prazo de participación xa está aberto ata o 4 de novembro a través do Departamento de Cultura do Concello da Guarda, enchendo o formulario de participación.  

 Máis información no 986 610 000 ou en culturaguarda@gmail.com