O ROSAL

OBRADOIRO DE XOGOS E XOGUETES TRADICIONAIS 

Realizarase os venres de 16:00 a 18:20 horas no Centro Social Polivalente, dende o 11 de outubro ata o 29 de novembro. 

 Infogauda / O Rosal

 O Concello do Rosal, en colaboración coa Deputación de Pontevedra a través do  Programa Tecendo Lazos organiza un obradoiro gratuíto de xogos e xoguetes tradicionais onde poden participar nais, pais, avoas e avós.  

 O obxectivo fundamental deste cursiño é organizar unha actividade que favoraza as relacións interxeneracionais de xeito que fillos, pais e avós participen conxuntamente na actividade.  

 A duración do mesmo é de 16 horas, das cales 12 horas son específicas e 4 horas pertencen a un módulo obrigatorio denominado “Historia  do  meu  Concello” de 4 horas de duración. Realizarase os venres de 16:00 a 18:20 horas no Centro Social Polivalente, dende o 11 de outubro ata o 29 de novembro.  

 No curso poderán participar persoas de todas as idades.  As nenas e nenos de menos de 12 anos deberán acudir  sempre acompañados dunha persoa adulta. Se a idade dos nenos/ as están comprendidas entre os 12 e 17 anos poderán participar se achegan o consentimento do pai, nai ou titor legal.  

 Tamén poderán ser beneficiarias do obradoiro persoas doutros concellos, sempre que presenten a correspondente solicitude no rexistro do concello e se as prazas non fosen cubertas polas persoas do Rosal.  

 A solicitude será cuberta cos nome e apelidos, dni, data nacemento e enderezo. Ademais deberase entregar a fotocopia do DNI, volante de empadroamento e autorización dos pais no caso de ser preciso.