A GUARDA

TURISMO

A langosta, Moncho Borrajo e Luis Zahera, os pratos fortes da Festa da Langosta e da Cociña Mariñeira 

Os días 5, 6 e 7 de xullo no porto da Guarda

Moncho Borrajo será o pregoeiro da XXIX Festa da Langosta e da Cociña Mariñeira

 Infogauda / A Guarda

 A Festa da Langosta e da Cociña Mariñeira chega súa XXIX edición cunha destacada programación onde os humoristas e a música de fusión serán os protagonistas xunto coa raíña da festa, a langosta. 

 Os días 5, 6 e 7 de xullo o porto da Guarda será o escenario da festa gastronómica de referencia. Os restaurantes ofrecerán a langosta acompañada duns 20 pratos mariñeiros sen esquecer dos doces típicos - entre eles a rosca de xema de A Guarda -  e do viño da Denominación de Orixe Rías Baixas, subzona do Rosal. 

 Moncho Borrajo será o pregoeiro desta edición que arrancará o venres ás 21:00 horas na Praza do Reló. O actor, humorista e showman galego que leva case 50 anos facendo rir nos escenarios nacionais tamén presentará o seu espectáculo “Borrajo Perdido” na carpa, situada no Portiño Novo (porto de A Guarda), trala apertura da festa gastronómica.

Luis Zahera presentará o seu espectáculo no evento gastronómico

 O sábado será a cita para Luis Zahera, recoñecido actor galego que foi premiado este ano co Goya ao Mellor actor de reparto. O actor ofrecerá o seu espectáculo “CHUNGO” xa que ofrece as súas vivencias vitais que o levaron a interpretar papeis raros ou de pouco listo.