O desfile “Venres de Foliada” obrigará a restrinxir o tráfico e o estacionamento nalgunhas rúas do centro urbano
· O Concello de Tomiño informa que a partir das 21:30 horas do venres día 1º de marzo, procederase ao peche total do tráfico de vehículos, habilitándose diferentes desvíos
Infogauda / Tomiño
A celebración do desfile de Entroido “Venres de Foliada 2019” que terá lugar mañá, 1 de marzo, e dadas as obras da nova autovía que se están levando a cabo na actualidade, obriga ao Concello de Tomiño a practicar restricións de tráfico e estacionamento ao longo do percorrido do desfile.
Por estes motivos, a Policía Local de Tomiño comunica que queda prohibido o estacionamento, dende as 16:00 horas do venres, ata a 01:30 horas do sábado, nas seguintes rúas:
· RÚA REPÚBLICA ARXENTINA
· RÚA DA GUARDA
· RÚA GONDOMAR
A partir das 21:30 horas procederase ao peche total do tráfico de vehículos polo centro urbano, debendo utilizar os condutores os desvíos habilitados. Para máis información, pódese consultar a páxina web do Concello de Tomiño, ou chamar á Policía Local (986 622 006 ou 616 974 455).
A Policía Local de Tomiño agradece a colaboración da cidadanía e salienta a necesidade de respectar as normas para a boa consecución do desfile.
Mapas percorrido e desvíos previstos:
Ningún comentario:
Publicar un comentario