EMPREGO

O Concello de A Guarda contratará a 15 traballadores 

· Ao abeiro do Plan Concellos da Deputación de Pontevedra 

Infogauda / A Guarda

 O Concello de A Guarda contratará proximamente a 15 persoas desempregadas grazas ao Plan de Conservación e funcionamento de bens e servizos municipais da Deputación de Pontevedra.  

 Neste senso o Concello de A Guarda pedirá traballadores para axudantes do camión do lixo (2), oficiais de albanel (1), peóns de desbroce (1), varredores (2), limpeza de praias (4), auxiliares de Cultura(1), animadores socioculturais(1), técnicos informáticos(1) e técnicos de información de Turismo(1).  

 Dependendo do posto a desempeñar a xornada será parcial ou completa e a duración do contrato oscila entre os 6 e os 9 meses.  

 Todas as persoas interesadas a optar a un destes postos de traballo deberán de estar inscritas coma demandantes de emprego no Servizo Público de Emprego de Galicia nas categorías da seguinte táboa e empadroadas no Concello da Guarda. Estes  requisitos deberán cumprirse tanto no momento da selección coma no da formalización do contrato.  

PLAN CONCELLOS 2019 LIÑA 3: EMPREGO PARA CONSERVACIÓN E FUNCIONAMENTO DE BENS E SERVIZOS MUNICIPAIS (Deputación de Pontevedra)  Contratación de traballadores desempregados. PETICIÓN

Nº	Posto	CNO	Ocupación	Categoría	Meses	Xornada
2	Axudantes Camión Lixo	83321151	Operarios de vehículos de limpeza viaria	70 Axudante	9	Completa
1	Oficial Albanel	71211015	Albaneis	60 Oficial de terceira	9	Completa
2	Peóns desbroce	95431028	Peóns forestais	80 Peóns	9	Completa
2	Varredores	94431016	Varredores	00 Non determinada	9	Completa
4	Limpeza Praias	94431016	Varredores	00 Non determinada	6	Parcial (25h/s)
1	Auxiliar Cultura	45001019	Auxiliar administrativo	70 Axudante	9	Completa
1	Animador Sociocultural	37151038	Animador Socio cultural	00 Non determinada	8	Completa
1	Técnico Informático	27211018	Administradores de sistemas de redes	00 Non determinada	8	Completa
1	Técnico información Turismo	58251029	Guías de turismo	00 Non determinada	8	Completa
15

BENEFICIARIOS 

Persoas desempregadas, inscritas no Servizo Público de Emprego de Galicia como demandantes non ocupados e que estean dispoñibles para o emprego.