PREVISIÓN DE ACTOS NA DELEGACIÓN DA XUNTA DE GALICIA EN MADRID/CASA DE GALICIA
PARA A SEMANA DO LUNS 10 Ao VENRES 14 DE DECEMBRO DE 2018
Martes, 11
19:30 horas
A Delegación da Xunta en Madrid/Casa de Galicia acollerá a inauguración da exposición fotográfica retrospectiva "LUME DE BIQUEIRA: 20 ANOS DE MÚSICA", coa que a banda de gaitas pecha os actos conmemorativos do vixésimo aniversario da súa fundación, en 1998. Numerosas imaxes e un audiovisual fan un repaso pola ampla traxectoria que converteron a Lume de Biqueira (cuxo nome evoca a faísca que salta ao chocar contra o chan a punteira metálica dos zocos de outrora), na banda de gaitas “máis heterodoxa e probablemente espectacular do panorama actual da música celta en España, ademais da súa ampla proxección internacional”.
Intervirán: Pilar Falcón, presidenta do Club de Xornalistas Galegos en Madrid; Carlos de Blas, coordinador da Enxebre Orde dá Vieira; así como os integrantes de Lume de Biqueira, Angel Hernando e Fernando Molpeceres, que interpretarán algunhas pezas musicais da banda madrileña.
Xoves, 13
19:30 horas
Presentación do libro "EL SECRETO DE AMARANTE. Misterios y leyendas al borde del Camino de Santiago", de José María Blanco Corredoira, publicado polo Grupo Editorial Sial Pigmalión, e que vira ao redor de Galicia como un universo completo e absorbente ao que sempre volven os seus personaxes, xa sexan vivos ou mortos. “El secreto de Amarante” é un compendio de feitos insólitos que espertaron a imaxinación, o temor, a fantasía ou a ilusión das súas xentes. Nalgúns deles, o autor cínguese rigorosamente aos feitos históricos; noutros, tan só recréase a lenda que se foi formando a través da difusa memoria do tempo.
Intervirán no acto, ademais do autor, José María Blanco Corredoira; o locutor de Radio 5 e Radio Exterior de España (RNE), Manolo Castro; a xornalista e presentadora da Canle 24 horas de RTVE, Mercedes Martel; e o presidente do Grupo Editorial Sial Pigmalión, Basilio Rodríguez Cañada.
Ningún comentario:
Publicar un comentario