HOCKEY LIÑA
A GUARDA HOCKEY LIÑA VENCE E CONVENCE
A Guarda Hockey Liña
Foto: A.G.H.L.
Miguel Fernández Lomba / A Guarda
O equipo guardés A Guarda Hockey Liña afrontaba en Bouzas a derradeira Sede de Liga Galega de Hockey Liña dependendo de sí mesmos para acadar o punto necesario para acadar os playoffs da categoría masculina.
O primeiro encontro enfrontaba os da Guarda co Lóstregos HL de Lugo, campións da Liga Regular e ata o momento imbatidos na Liga Galega de Hockey Liña. Os rapaces de A Guarda Hockey Liña foron quen de facer un partido moi serio e amosaron efectividade de cara a porta rival. Compre destacar o bo partido do meta local Álex Baz que atrapou unha e outra vez os tiros do equipo lucense.
O marcador final foi de 1-4 a favor dos guardeses quedando así clasificados matemáticamente para os playoffs polo título.
Xa sen nada en xogo o segundo partido enfrontaba os da Guarda cos rapaces do Brigantium HL de Arteixo, que se puxeron por diante no marcador nos primeiros compases do xogo e lograron marcar un segundo gol mediada a primeira parte.
Na segunda os da Guarda nunca perderon a fe, e a pesares de quedar sen cambios debido a dúas desafortunadas expulsións, conseguiron remontar o resultado nuns cinco minutos finais máxicos que fixeron vibrar o público asistente.
Ningún comentario:
Publicar un comentario