A
PROVIDENCIA EVITOU QUE OCORRESE UNHA DESGRAZA
Ricardo Rodríguez Vicente / A Guarda
O
pasado venres día 19 de agosto, un equipo de persoas, coa axuda de un vehículo de escaleira e cazo,
procederon a retirar os arcos do alumeado das Festas do Monte Santa Trega. Esa
labor, que para eles pode resultar rutinaria, debera contar con tódalas medidas
de seguranza non soio para eles, senón para os usuarios da vía pública, tanto
para os peóns como para os conductores e vehículos automóveis. A vista do
procedemento que segueron para desenvolver seu traballo, e nos horarios en que
o fixeron, todo semella indicar que non se adoitaron ás medidas axeitadas en
materia de seguridade. E como mostra do que decimos, imos indicar tan soio dous
exemplos do que consideramos que non é o correcto proceder, do cal non culpamos
os operarios, senón os responsables da empresa a cal pertencen, e ás
autoridades en materia de hixiene e seguridade no traballo, e poida que tamén
ás autoridades locais, xa que os traballos tiveron lugar dentro do ámeto da
vila de A Guarda. E se cadra, a alguén máis, pola súa relación directa ou
indirecta, coa empresa que fixo eses traballos. Todo elo, porque entendemos que
en maior ou menor medida, teñen ou poderían ter, se chegara a producirse algún
percance, unha posible responsabilidade. Os exemplos que imos a citar son os
seguintes:
1º.-
Pola mañá, ollamos como o cableado que retiraban os operarios estaba posto de xeito informe e lonxitudinalmente, encima das beirarrúas – concretamente a altura dos establecementos públicos
sitos na Avenida de Galicia, fronte o acceso o antigo Estadio del Tecla -, cos
peóns transitando por ese lugar, co conseguinte perigo para os mesmos.
2º.-
Pola tarde, arredor das 16:45 horas, aproximadamente, cando os operarios da
empresa que instalou o alumeado das Festas do Monte Santa Trega, estaban
desmontando un dos arcos do alumeado, a altura do acceso principal da Praza de
Abastos, desprendeuse un dos extremos das mangueiras de cableado que atravesan
á rúa Concepción Arenal, entre o inmoble sinalado co número 45 e o edificio
sinalado co número 12, da devandita rúa. Nese intre, unha veciña – cuxa
identidade nos consta -, que viña pola beirarrúa dereita, foi sorprendida polo
desprendemento vertical, a poucos centímetros dela, do cableado que cruza a
rúa, e pola caída da caixa que estaba fixada á fachada do inmoble sinalado co
número 12. Todo elo, diante da total pasividade, despreocupación e desinterese dos
operarios que estaban neses intres facendo o seu traballo de desmontar o
alumeado das festas, xa que nin siquera tiveron o detalle humano de interesarse
se a veciña se atopaba ben logo desa incidencia que pudo ter nefastas
consecuencias para esa persoa, en particular, e por extensión para súa familia.
É mais, recolleron a mangueira, fixándoa novamente o aramio que cruza á rúa
Concepción Arenal, e sairon do lugar dos feitos, como se non hubese acontecido nada relevente, cara
a inicio desa rúa, con total normalidade. O retornar a súa vivenda, a veciña
informou do acontecido a seu cónxuxe, o cal deu coñecemento a Policía Local de
A Guarda, co fin de que tan pronto fose posíbel se revise por parte do electricista
municipal, o estado no que se atopa a devandita mangueira, o aramio que o
sustenta e cuxos anclaxes están na fachada da Praza de Abastos e no inmoble
sinalado co nº 12 da Rúa Concepción Arenal, a fin de evitar, na medida do
posíbel, que feitos como ese se volten a repetir.
Por fortuna, todo quedou nun susto, xa que
providencialmente, a veciña non sofreu ningún tipo de lesión. Tan soio o susto e a impresión que lle deu ollar, en primeira persoa, como as mangueiras do cableado aéreo e á caixa que
estaba adosada a fachada do inmoble nº 12, cairon diante dela, a escasos
centímetros do seu corpo, con tal sorte que non houbo que lamentar ninguna
desgraza persoal, agás o incomodo correspondente, por esa gravísima incidencia,
que puido resultar fatal, e polos refugallos das bridas que suxetaban as
mangueiras na devandita fachada, e o pó, que se desprendeu da mesma e cairon sobre a referida veciña.
Conclusión: Traballos como os indicados,
hainos que facer en horarios axeitados e con seguranza para os traballadores e para os veciños. Non de xeito rutinario.
E para elo, todos, empresa, operarios, autoridades laborais, locais,..., teñen
que procurar que ese tipo de incidencias non se produzan.
Onte pudo haber unha desgraza.
Providencialmente non tivo maiores consecuencias. Pero non sempre acontece así.
Ningún comentario:
Publicar un comentario