VALENÇA DO MINHO

PATRIMONIO

Associaçom Vauban passará por Valença do Minho   

Alain MONFERRAND 

Président de l'Association Vauban

José Buiza Badás / Valença

  Apartir do dia 22 de Setembro deste ano, Associaçom Vauban fará um percurso de visita e estudo por Lisboa, Elvas, Almeida e Valença, sendo que finalizará a sua visita no aeroporto de Sá Carneiro de volta para Orly-Paris, o dia 25 de Setembro. Na praça minhota realizar-se-á um acto de recepçom da comitiva e umha palestra sobre a temática das fortificaçons, bem como umha visita apurada ao recinto militar. Com efeito, agendou-se umha viagem talvez apressada, onde pode ficar para atrás a visita da Associaçom à Fortaleza de Santa Cruz da Guarda. No entanto, tentarei pessoal e simpáticamente fazer-lhes mudar de opinióm. Assim, nestes pontos chaves da engenharia militar, reunir-se-á o que de melhor recolhe a poliorcética mundial a nível de pesquisa, de publicaçons e de trabalho feito na defesa desta rama da arquitetura. É obvio que a história moderna e contemporânea nom se entende sem o contributo dos Mestres engenheiros italianos, de franceses, holandeses, espanhóis ou lusos. O urbanismo dos últimos quinhentos anos, as descobertas, o desenvolvimento do comércio internacional, tracejarom novas ciudades. Ultrapassou-se o velho conceito de “Castelo”, as muralhas bastionadas virarom portos, zonas estratégicas e referência simbólicas das gentes. Aprendera-se do conceito de praça militar dissuasora, preventiva. Pensara-se atempadamente da conveniência de sitiar ou nom um determinado posto estratégico, nasceu a Diplomacia,...

 Portugal nom se entende sem a poliorcética. A coroa hispánica, ou a República Veneziana, forom os travons que consolidarom umha determinada ideia de Europa. A ciencia castellológica abrange tal miríada de especialidades, tal sentido omnímodo de tudo que, a cada trabalho que sai do prelo, a cada comunicaçom feita ao público, desvendam-se novos dados, novas claves para a continuaçom da tarefa. A poliorcética constitui a concentraçom, o adensamento de estudos em redor dumha temática hiperconcreta, apuradíssima.

 O funcionamento do CEAMA de Almeida, do CEAEM da Defesa portuguesa, de certeza gerarám nos vaubanianos um renovado interesse e mais umha afirmaçom das valências decorrentes, a todos os níveis, dum trabalho común internacional. Portanto, folgamos em saber desta importante presença da Associaçom Vaubam cá, em casa. Sejam pois bem-vindos a estas bandas galego-portuguesas.