Obradoiro de construción dunha cabana castrexa na Cabeciña
Está organizado pola Asociación Costa dos Castros. Será a partir das 16:00 h., e nel poden participar tanto adultos como nenos
Úrsula Neilson / Mougás
O próximo luns día 16 de maio, a Asociación Costa dos Castros organiza un obradoiro para rematar unha cabana castrexa no castro da Cabeciña (Mougás, Oia). O obradoiro será a partir das 16:00 h., e nel poden participar tanto adultos como nenos.
Neste obradoiro poden participar maiores e pequenos
Foto: Costa dos Castros
A actividade consistirá en mesturar barro con palla e aplicalo nas paredes da cabana para facer o acabado, polo que haberá que ir preparados para mancharse.
“Trátase de rematar a cabana que se preparou para a Festa da Cervexa da Cabeciña e que pola chuvia non se puido rematar ese día” sinalan dende a Asociación. “É unha actividade ideal para compartir en familia. Nenos e adultos traballando xuntos.”
Ademais a Asociación ofrecerá unha merendola para os pequenos para repoñer as enerxías perdidas. A actividade é gratuíta e non é necesario apuntarse. Para máis información, no correo costadoscastros@gmail.com ou no teléfono 666 435 832.
Ningún comentario:
Publicar un comentario