PORTUGAL

PATRIMONIO

Forte de Milréu ou de S. Pedro da Ericeira

Forte de Milréu ou de S. Pedro da Ericeira

José Buiza Badás

  Ao norte da Ericeira, vila balnear por excelência, entre as praias de Alibabá e dos Mil Regos, encontra-se este posto militar costeiro e maneirista, de singular traço arquitetónico. Desde a estrada N-247 nom é difícil aceder ao forte por dous sendeiros. Este Imóvel de Interesse Público, reconhecido por Decreto de 29 de Setembro de 1977, ergueu-se  entre os anos de 1670 e 1675 e estivo sujeito a toda classe de atribulaçons e sediaçons,  desde os danos estruturais decorrentes do grande terramoto de Lisboa, até um persistente hóstigo a danhar os lenços murários, nom faltando abandonos e reocupaçons como posto de soldados miguelistas, da Guarda Fiscal, etc.. A finalidade primeira pola qual levantou-se foi a de impedir desembarcos na Praia próxima de Ribeira d´Ilhas, de maneira a defender a vila da Ericeira. Este forte de orientaçom ganha todos os louros quanto a verticalidade e sentido da vertigem, sendo original no seu todo.

 A sua planta básica é rectangular. A casa-forte tem 15 metros de comprimento e 5 m. de  largura (tal como o terraço de cima). O espaço baterístico recolhe 20 m. de comprimento e 10 m. de largura. Contudo, há um desenvolvimento parapetal de 48 metros onde contabilizamos 4 troneiras e 1 guarita em tijolo, cilíndrica e estreita, de cobriçom cónica. Antes existiam duas destas. Curiosamente, o cordom a toda a volta nom separa taludes de parapeitos com diferente verticalidade ou alambor; aquí temos a nossa frente um bloco rectangular compacto e de umha só queda vertical. Na fachada sul dispom-se um arco plano de volta perfeita com jambagem de 4 por 4 peças de cantaría, 2 impostas e umha aduelagem de 5 peças da sua vez. Um corredor ou trânsito de 5 metros une este acesso com o da fachada norte, tendo disposiçom abobadada no tecto. Esta fachada tem algumha simetría na posiçom do arco relativamente a duas janelas que o flanqueiam. De referir que umha das janelas tem arco de descarga.

 O efeito ascendente-descendente da rampa-escadaria de acesso ao terraço superior cria também um elo de ligaçom entre alturas diferentes. Na realidade a bateria de parapeitos inclinados tinha um reforço evidente com este terraço para tiros de fusil. Há um aproveitamento de espaços neste posto militar caracterizado pola sua pequenez.

 Relativamente à utilizaçom de materiais, aplicou-se um aparelho ordinário de mui diferentes tamanhos, respeitando a regularidade de determinadas cantarías nos vans, nos cunhais aquí de feiçom rusticada, no cordom ou nas canhoneiras.

R.P.I.