A GUARDA

FIN DE SEMANA CULTURAL NO CONCELLO DA GUARDA

Infogauda / A Guarda

 Este fin de semana o Concello da Guarda se prepara para acoller moitas e moi diversas actividades que entreterán tanto ós veciños da localidade, como ós múltimples visitantes que chegan a esta vila.  

ACTUACIÓN DA BIG BAND "LOS SWINGDOMABLES JAZZ ORQUESTRA", NA PRAZA DO RELÓ

 Este venres día 26, terá lugar a actuación da Big Band “Los Swingdomables jazz orquestra” na Praza do Reló, frente a casa do Concello. Esta gran sesión de jazz comezará as 22,30 horas e está aberta a todos ós públicos. Este concerto está organizado pola Agrupación Musical da Guarda en colaboración co Concello da Guarda.  

IX ANIVERSARIO DA CASA DE ACOLLIDA DAS SAMARITANAS

 O sábado as actividades xa comezan pola mañá, xa que se celebra o IX Aniversario da Casa de Acollida das Samaritanas da Gándara. Ás 11 horas, o Grupo de Gaitas A Boalleira, recorrerá as rúas do barrio da Gándara para logo, ás 11,30 horas, dar comezo á Eucaristía. Ás 12,30 a música volverá a saír a rúa da man do Grupo Do Lusco ó Fusco, que estarán acompañados tamén por bailaríns da Casa de Andalucía, de Vigo. Esta actividade, organizada pola Casa de Acollida, coa colaboración do Concello, busca rendir homenaxe a labor da Fundación Las Samaritanas.  

IX FESTIVAL LUSO-GALAICO NO AUDITORIO SAN BIEITO

 Pola tarde, o Auditorio de San Bieito da Guarda, acollerá o XI Festival Luso-Galaico de Xamaraina. Nesta actividade, que está organizada polo propio grupo de baile Xamaraina e que conta coa colaboración do Concello, participan grupos chegados dende Galicia, Palencia (Castela-León) e Coimbra (Portugal). A actuación, aberta a todos os púlicos comezarás ás 20,30 horas. Este festival xa é unha cita máis que consolidada nesta vila.   

GALA DE CIRCO RUACTIVA, NA TARDIÑA DO DOMINGO

 Por último, o domingo, celebrarase tamén no Auditorio de San Bieito a gran gala de Circo “Ruactiva”. Este espectáculo, que combina música en directo, clowns e acrobacias aéreas, comezará ás 20,30 horas. En esta gala contarán con Fran Rei como mestre de ceremonias, coa música da “Magnifique Banda dos Homes sen Medo” e coas actuacións da compañía “Peter Punk”, “Circo Chosco” e “Desastronauts”.  

 Este espectáculo, que terá unha duración de aproximadamente 100 minutos, está recomendado para todos os públicos. 

 Esta actividade está financiada polo Concello da Guarda en colaboración en AGADIC e a Axencia Galega de Turismo.