PONTEVEDRA

O deporte centrará boa parte da xornada de reflexión do presidente provincial

·        O domingo exercerá o seu dereito ao voto na mesa de San Andrés de Barrantes (Ribadumia), ás 11.30 horas da mañá

Infogauda / Pontevedra

 O presidente provincial do PP de Pontevedra, Rafael Louzán, dedicará boa parte da xornada de reflexión á práctica e ao seguimento dos seus deportes favoritos.

 O líder provincial iniciará a mañá cun percorrido de 10 quilómetros pola praia da Lanzada, a continuación asistirá á fase final do Campionato autonómico de fútbol prebenxamín en Barrantes e despois á Festa Gastronómica da empanada de Millo en Salcedo, Pontevedra.

 Pola tarde seguirá como espectador o partido do Racing Ferrol- Reus Desportiu, que xoga o play-off ascenso, e máis tarde o Celta-Español e Barcelona-Deportivo. “Un partido importante no que o Depor se xoga a súa permanencia en primeira e espero que poida manter”, afirmou Louzán.

 A continuación participará en Vila de Cruces de unha entrega de trofeos de Fútbol 7 Alevín. E xa pola noite estará no Porriño na entrega de premios do Festival de Cans.

 Será, pois, unha xornada centrada no deporte, que compartirá coa familia e amigos á espera da gran cita electoral do vindeiro domingo.

 O 24 de maio, Louzán acudirá a votar ás 11.30 da mañá, ao colexio de San Andrés de Barrantes, en Ribadumia.