PONTEVEDRA

O PLENO DA DEPUTACIÓN APROBA AMPLIAR EN 12 MILLÒNS UN PLAN DE ACTUACIÓNS NOS CONCELLOS QUE ACADA OS 27 MILLÓNS DE EUROS

O pleno da Deputación de Pontevedra aprobou esta mañá a ampliación do Plan Urxente de Mantemento de Servizos e Infraestruturas Municipais en 12 millóns de euros. Coa medida hoxe aprobada, o plan pasa de contar con 15 millóns _a cantidade inicialmente aprobada o pasado 28 de febreiro_ a dispór de 27 millóns €.

Co plan, a Deputación pretende que os concellos poidan, entre outras actuacións, afrontar os cuantiosos danos que os sucesivos temporais e borrascas ocasionaron nas infraestruturas municipais.

O plan vai destiñado a concellos de entre 1.000 e 50.000 habitantes. Os concellos deberán presentar xunto coa solicitude o proxecto ou proxectos que pretenden levar a cabo e para os que demandan o apoio da Deputación. Co obxectivo de axilizar o máximo posible as actuacións, serán os propios municipios os que se encarguen da contratación dos traballos.

Estes investimentos súmanse ao Plan de Emprego que a Deputación xa puxo en marcha e que lle vai permitir aos municipios contar tamén cuns 800 operarios para a realización de traballos urxentes en espazos públicos e para a prestación de servizos prioritarios.