A CARREIRA PEDESTRE VIRXE DA GUÍA, LIMIAR DAS FESTAS EN RIBADAVILA
Imaxe da Virgen da Guía, que se venera na capela de Ribadavila, un fito mariano no Camiño Xacobeo Portugués pola Costa ou Monacal (Foto: Infogauda)
Infogauda / Ribadavila
Coa Carreira Pedestre Virxe da Guía, que se disputará o vindeiro domingo día 1 de setembro, ás 7 da tarde, en Ribadavila, inícianse os festexos na honra da Virxe da Guía. As inscripcions pódense efectuar o mesmo día da carreira, ata media hora antes da saída e a traverso do correo electrónico carreiradaguia12@hotmail.com ata o vindeiro sábado incrusive.
O día da proba cada participante recollerá o dorsal asignado á súa categoría.
Recibirán trofeos os tres primeiros clasificados de cada categoría, así como o gañador absoluto masculino e a gañadora absoluta feminina.
Entregaráselles medallas/detalle a todos os participantes ata a categoría de 10-12 anos, tanto varóns como féminas.
PROGRAMA DE FESTAS
O venres día 6, gran tirada de bombas de palenque e pasarrúas do grupo de gaitas Os Pelouros.
Verbena desde as 23:00 h. coa actuación da Banda de Rock instrumental Santos Morcegos!!! A continuación Óscar Avendaño&Reposado. E para rematar o Grupo Pedrito Diablo&Los Cadáveras.
Sábado día 7, nova tirada de bombas de palenque e pasarrúas do grupo de gaitas Os Pelouros.
Verbena a partires das 23:00 h. coa espectacular Space Music Orquesta e deseguido actuará Niño y Pistola.
Domingo día 8, pola mañá cediño, 21 bombas de palenque anunciarán o día grande das festas.
Logo dos actos relixiosos e da actuación da Banda de Música Agrupación Musical de A Guarda, gran tirada de fogo graneado.
De 18:00 a 22:00 h., tradicionais poxas. Durante as mesmas, haberá obradoiros de globoflexia e maquillaxe, gratuitos para nenas/os.
De 22:30 h. a 24:00 h., Monólogos Inocentes, co actor de cine y teatro, Manuel Manquiña.
Ás 12 e media da noite, atronadora tirada de cubos pirotécnicos, espectacular tirada de fogo de lucería e novamente os tradicionais “Castelos da Guía”, “O Afiador”, “A Roda”, etc., que a Comisión de Festas presidida por José Elías Rebollar Vega, logo de moitos anos sen eles, recuperou en 2012.
EXPOSICIONS
No local de Anabam. Etnografía marítima: “Marcas e útiles dos mariñeiros da Guarda”; Fotografía: “Xentes de Ribadavila e da Guarda”.
ACTOS RELIXIOSOS NA HONRA DA VIRXE DA GUÍA
Día 8, ás 9:00 da mañá, na capela, misa rezada, polos maiordomos e devotos da Virxe, falecidos.
Día 9, ás 11:30 h., misa solemne cantada polo Coro Parroquial, con sermón a cárrego de D. Enrique Roberto Lista García, franciscano do Convento de Canedo (Ponteareas), director do programa “A Sentinela”, da TVG.
A continuación, procesión acompañada polo grupo de gaitas Refaixos e Polainas, de Baldrans (Tui) e a Banda de Música Agrupación Musical de A Guarda.
Ningún comentario:
Publicar un comentario