VAL MIÑOR

• O helicóptero de salvamento marítimo tardou en acudir a Oia 30 minutos máis do establecido por contrato
• Unha sentencia absolve ao Concello de Gondomar de indemnizar con máis dun millón de euros a unha promotora
• A realidade e perspectivas do sector do viño centrou a segunda TERTULIA do IEM da tempada 2012-2013.
• O Centro Cultural O Torreiro de Priegue ofrece un concerto de Nadal con tres grupos corais.
• II Festival de Acordeóns de Nigrán con recollida solidaria de alimentos.
• Obradoiros infantís de Nadal e Papá Noel nas Angustias

O helicóptero de salvamento marítimo tardou en acudir a Oia 30 minutos máis do establecido por contrato Posted: 13 Dec 2012 04:05 PM PST O pasado 9 de novembro, a Xunta de Galica fixo efectiva a privatización do servizo de salvamento marítimo cun contrato de 30,8 millóns de euros Agora a mesma Xunta investigará se este novo servizo privado cumpriu co seu contrato á hora de socorrer á percebeira que faleceu onte en Oia, e onde a intervención do helicótero demorou 40 minutos.

Unha sentencia absolve ao Concello de Gondomar de indemnizar con máis dun millón de euros a unha promotora Posted: 13 Dec 2012 09:30 AM PST -O Xulgado do Contencioso Administrativo de Vigo vén de desestimar o recurso contencioso administrativo presentado por Promociones Colmeiro e Martínez S.A. no que solicitaba unha indemnización do Concello de Gondomar de 1.061.600,09 euros

A realidade e perspectivas do sector do viño centrou a segunda TERTULIA do IEM da tempada 2012-2013. Posted: 13 Dec 2012 12:49 AM PST José Evaristo Rodríguez López (Adegas Moure, Arsenio Paz (Bodegas Vilerma) e Xosé María Fonseca Moretón (Terras Gaudas) analizaron a realidade do sector vitivinícola así como as súas perspectivas no que foi o segundo faladoiro das TERTULIAS do IEM da tempada 2012-2013. O acto tivo lugar este venres 14 de decembro ás 20:30 horas na Aula de Cultura Ponte de Rosas (Avda. da Feira Nº 10, baixo, Gondomar). Os convidados foron presentados por Antonio Soliño Troncoso, membro da Xunta de Goberno do IEM.

O Centro Cultural O Torreiro de Priegue ofrece un concerto de Nadal con tres grupos corais. Posted: 13 Dec 2012 12:45 AM PST O Centro Recreativo e Cultural O Torreiro de Priegue ofrecerá nas súas instalacións un Concerto de Nadal de Corais, este sábado 15 de decembro a partir das 20.00 horas. Participarán os coros Santa María de las Nieves (dirixida por Rafael Pérez Dopeso), Acorde de Beu (dirixida por Emilio Gulin Hermida) e o coro mixto Stella Maris (dirixido por Loli Presas Salgueiro).

II Festival de Acordeóns de Nigrán con recollida solidaria de alimentos. Posted: 13 Dec 2012 12:37 AM PST Tras el éxito da primeira edición, celebrada o pasado mes de xuño, o Salón de Actos do Concello de Nigrán acollerá o vindeiro sábado 15 de decembro a partir das 19.00 horas o II Festival de Acordeóns. A actuación, con entrada de balde, contará coa participación do dúo formado por Jaime Vilas e Manuel Olegario, os Amigos do Acordeón de Meaño e o Grupo de Acordeóns do C.V.C. de Valadares. Aínda que a entrada é de balde, o Concello de Nigrán agradecerá a todos os asistentes que leven alimentos non perecedeiros para o fondo de alimentos municipal.

Obradoiros infantís de Nadal e Papá Noel nas Angustias Posted: 13 Dec 2012 12:33 AM PST A Comisión de Festas de As Angustias prepárase para o Nadal con obradoiros infantís navideños o vindeiro sábado 15 de decembro a partir das 16.30 horas. Ademais, os nenos e nenas que se acheguen ao local social da asociación poderán pedirlle persoalmente a Papá Noel agasallos para este Nadal.