PONTEVEDRA

  

SEMINARIO FORMATIVO

PARA BOLSEIROS DA ÁREA DE COMERCIO

 26 Xuño 2012

O Presidente da Deputación de Pontevedra e a Directora Xeral de Comercio da Xunta de Galicia Dna. Nava Castro Domínguez presentarán o vindeiro martes 26 de xuño un seminario formativo para os 22 bolseiros da Área de Comercio que desde hai un ano están colaborando con 23 Asociacións de Comerciantes da nosa provincia.

O apoio técnico nas tarefas de xestión das asociacións de comerciantes, o apoio ó asociacionismo comercial e a profesionalización das persoas que están á fronte destas organizacións foron o obxectivo destas bolsas de formación que agora rematan e que deron a oportunidade a 22 xoves titulados universitarios de coñecer de primeira man e ter un contacto directo co tecido comercial da provincia de Pontevedra.

Compostas por un intenso programa formativo que combinou formación teórica (diferentes xornadas e seminarios) coa práctica nas sedes das propias Asociacións de comerciantes onde os bolseiros da Deputación foron os encargados do desenvolvemento das tarefas de xestión e representación das asociacións de comerciantes así como co intercambio de experiencias, a materialización destas bolsas de formación veu a dar cumprimento a un compromiso adquirido pola institución provincial cos directivos das asociacións de comerciantes da nosa provincia así como á liña de traballo estratéxica “Formación e cualificación do sector comercial” recollida no Plan Director de Comercio (2009-2012) redactado a partir dos catro eixos básicos nos que se sustenta o Plan Estratéxico Provincial.

Na actualidade hai repartidos nos 62 concellos da provincia de Pontevedra 8.013 establecementos comerciais dos que 6.552 son pequenos comercios. Podemos dicir que o pequeno comercio representa o 82% da actividade comercial da nosa provincia o que supón unha presenza moi relevante no tecido produtivo.

Estes rapaces e rapazas desenvolveron un traballo importantísimo tamén para as administracións provincial e autonómica. A súa participación na elaboración dun mapa da situación do pequeno comercio na provincia de Pontevedra, un inventario dos pequenos comercios existentes, o apoio á campañas de dinamización comercial e á promoción dos mercados municipais cunha entrega e dedicación moi salientables.

O seu traballo contribuíu a que as administración sigan estando a pé de rúa, coñecendo de primeira man as demandas, propostas e necesidades dos cidadáns e permitiu que se teña unha visión mais cercana do traballo e da realidade comercial da nosa provincia nun momento tan decisivo como o que estamos a vivir.

O seminario que se desenvolverá o martes 26 (que será o último dentro do marco destas bolsas) ven a completar a formación dirixida desde a Área de Comercio e pretende facilitar ós bolseiros a súa inserción no mercado laboral.

Durante o desenvolvemento do mesmo tratarase de respostar ás súas inquedanzas no eido do emprego como complemento e continuidade das bolsas de formación e no da mellora da súa empregabilidade unha vez rematen estas.

O emprego 2.0, o mercado de traballo e os procedementos de búsquea de emprego.

A intención é a de xerar un espazo para reflexionar sobre o que está a pasar no mercado de traballo, os cambios que veñen de producirse e  as oportunidades e obrigas que presenta.

 Asociacións beneficiarias da colaboración dos 22 bolseiros da Deputación de Pontevedra:

  

ASOCIACIÓN BENEFICIARIA	CONCELLO
Concello de Rodeiro	Rodeiro
Asociación de Comerciantes y Empresarios de Cerdedo	Cerdedo
Asociación de Empresarios e Comerciantes de Forcarei	Forcarei
Cuntis Comercial Vila Aberta	Cuntis
Asociación de Empresarios de A Illa de Arousa	Illa de Arousa
Asociación de Comerciantes O Corazón de Meaño	Meaño
Asociación de Comerciantes Vilanova Centro	Vilanova de Arousa
Asociación de Comerciantes Punto Vilanova	Vilanova de Arousa
Asociación Profesional de Comerciantes de Ribadumia	Ribadumia
Asoc. de Comerciantes e Autónomos Galerías Oliva	Pontevedra
Asoc. de Comerciantes e Empresarios de Ponte Caldelas	Ponte Caldelas
Asoc. de Empresarios e Comerciantes de Traviesas	Vigo
Asoc. de Empresarios de Arcade Soutomaior	Soutomaior
Asoc. de Empresarios do Val Miñor	Nigrán
Asoc. de Empresarios e Comerciantes de Oia	Oia
Asoc. de Comerciantes de O Rosal	O Rosal
Asoc. de Autónomos, Comercio, Hostelería e Industriais de Tomiño	Tomiño
Asoc. do Baixo Miño de Comerciantes e Empresarios (ABACO)	A Guarda
Asoc. de Empresarios e Comerciantes de As Neves	As Neves
Asoc.de Comerciantes e Desenvolvemento Local de Crecente	Crecente