OURENSE

A FEDERACIÓN GALEGA DE TAEKWONDO PREMIA Á DEPUTACIÓN DE OURENSE POLO SEU APOIO AO DEPORTE

Infogauda / Ourense

A Federación Galega de Taekwondo entregou á Deputación provincial de Ourense o premio á mellor institución pública colaboradora do ano 2009, que recoñece o traballo de apoio a prol do deporte e dunha disciplina deportiva como é o Taekwondo.
O del egado da Federación de Taekwondo en Ourense, Tito González, fixo entrega do premio ao vicepresidente segundo da Deputación e deputado de Deportes, Moisés Blanco, agradecendo o apoio dado pola institución provincial tanto no que se refire á Copa Deputación como á organización do Campionato de España Senior de Taekwondo en 2009.Na actualidade o Taekwondo conta en Galicia con 4.362 licencias federativas, das cales 422 corresponden á provincia de Ourense.