TUI

O BNG presentou no rexistro do concello de Tui unha solicitude na que insta ao Concello a verificar a legalidade dos vertidos que se están a producir no entorno do campo de Fútbol de Ribadelouro.

BNG / Tui

O BNG de Tui, tendo coñecemento de que existen varios vertedoiros de escombro no entorno do Campo de fútbol de Ribadelouro e sabendo con certeza que alí se producen vertidos na actualidade (axúntanse fotos tiradas o 3 de decembro de 2009), instou ao Goberno do Partido Popular de Tui a que verifique si a actividade de verter toneladas de escombros no lugar é legal ou ilegal.

O BNG de Tui tamén solicitou do Concello que, de ser ilegais estes vertidos, se tomen as medidas oportunas, en primeiro lugar, para que deixen de realizarse e, en segundo termo, para que se limpe a zona de escombros e se devolva ó monte de Ribadelouro a unhas condicións medio ambientais básicas.