DEPORTES

ATLETISMO

Un ano máis a Sociedade Atlética do Trega (Tomiño) reloce no XVII Campionato Xunta de Galicia de milla e 1 km 

Con Ainoa Conejo Bascoy, Nadia Conejo Bascoy, Sergio Silva Souto e Belén Bascoy Cao, coa familia Bascoy como protagonista. 

 

Grupo da Sociedade Atlética do Trega (Tomiño) en Redondela

Foto: S.A. do Trega

Redacción Deportes / A Guarda

 O pasado domingo, 12 de abril de 2026, a Sociedade Atlética do Trega (Tomiño) volveu demostrar o seu gran estado de forma no XVII Campionato Xunta de Galicia de milla e 1 km, celebrado en Redondela. O equipo logrou un salientable botín de catro medallas: un ouro, unha prata e dous bronces, confirmando o excelente traballo de base do club.  

 O circuíto, completamente urbano e situado no centro da vila, esixiu o mellor de cada atleta nunha xornada de gran nivel competitivo. As cores do Trega cegan con máis forza que nunca. 

 A xornada comezou coa categoría Sub10 feminina, onde Ainoa Conejo Bascoy (A Guarda), atleta novel, saíndo como unha bala, proclamouse campioa galega no 1 km, logrando a medalla de ouro cunha gran actuación. 

 A continuación, en Sub14 feminina, Nadia Conejo Bascoy (A Guarda), tamén atleta novel, conseguiu unha valiosa medalla de bronce no 1 km, sumándose ao éxito do equipo e da familia. 

 Na categoría Sub16 masculina, foi a quenda de Sergio Silva Souto (Tomiño), atleta novel na categoría, loitando de ti a ti cos mellores de Galicia, mesmo maiores que el. Ademais foi o máis salientable dos nosos atletas na súa proba, cun rexistro de 2´45", asinando unha actuación de sobresaliente. 

 A xornada pechouse coa proba da milla, onde a veterana Belén Bascoy Cao (A Guarda) asinou unha gran actuación para colgarse a medalla de prata en categoría máster 40, poñendo o broche final a un día inesquecible para a familia Bascoy. 

 O resto do equipo tamén deixou moi boas sensacións con varias actuacións salientables en diferentes categorías:  

- Eloy Rodríguez Lorenzo, na milla, posto 5º (máster 40 masculina), cun crono de 5´10". 

- Adela Vasconcellos Rodríguez – 6ª (Sub12 feminina) 

- Alba Vasconcellos Rodríguez – 5ª (Sub16 feminina) 

- Lucas González Pérez – 7º (Sub10 masculina) 

- Hugo Rodríguez Gómez – 10º (Sub14 masculina) 

- Xoel Pérez Montero – 18º (Sub14 masculina) 

- Martín Rodríguez Castro – 19º (Sub14 masculina) 

- Sofía Piñeiro Casaleiro – 26ª (Sub12 feminina) 

- Martín Piñeiro Casaleiro – 30º (Sub14 masculina)  

 En definitiva, unha xornada para o recordo na que a Sociedade Atlética do Trega volveu deixar pegada no atletismo galego, reafirmando o seu crecemento, o talento dos seus atletas noveis e o papel protagonista da familia Bascoy nun día brillante para o club.