A GUARDA

O programa de TARDEO ofrece actividades para o ocio da xuventude guardesa   

• Realizaranse ata 5 obradoiros gratuítos de música, zumba, cerámica, gancho... 

 

Infogauda / A Guarda

 A Oficina Municipal de Información Xuventil (OMIX) do Concello da Guarda organiza xunto as asociacións locais a programación do TARDEO, uns obradoiros de actividades gratuítas.   

 As persoas guardesas poderán elaborar pezas de gancho, boliñas de sementes, pezas de barro,..., e tamén participar nunha clase de zumba ou nun obradoiro de percusión.  

 Toda esta oferta de obradoiros busca dar diferentes opcións de ocio na Guarda, con actividades relacionadas co traballo manual, a música e a natureza; e coa posibilidade de descubrir novos pasatempos. 

 Para a primavera de 2026, a programación do TARDEO é:  

• Elabora unha peza de gancho: pola Asociación do Traxe Galego, o sábado 11 de abril ás 11:00h. Inscrición: do luns 30 de marzo ao 6 de abril. 

• Boliñas de sementes: pola Asociación Foco Europa, o sábado 18 de abril ás 11:00h. Inscrición: do luns 6 ao 13 de abril. 

• Embárrate 3.0; pola Asociación Avelaíña, o sábado 16 de maio ás 10:30h. Inscrición: do luns 4 ao 11 de maio. 

• Clase de zumba: polo Club de Judo Baixo Miño, o venres 29 de maio ás 18:00h. Inscrición: do luns 18 ao 25 de maio. 

• Percusión para sobrevivir ás Festas do Monte: pola Asociación Cultural Xida, o sábado 30 de maio ás 11:00h. Inscrición: do luns 18 ao 25 de maio.  

 As inscricións e a solicitude de máis información realízanse a través do correo da OMIX, informacion@aguarda.es. 

 Apuntádevos a desfrutar e probar actividades diferentes na Guarda!