DEPORTES

BALONMÁN FEMININO

Rosane Serrano, convocada coas Guerreras Júnior 

• A primeira liña do Guardés reunirase coa Selección nacional coa que foi subcampioa de Europa o pasado verán a próxima semana do 2 ao 8 de marzo en Elxe 

• Ademais, Serrano participará co mozo conxunto nacional nun partido amigable ante o Atticgo BM Elxe o 8 de marzo ás 11.30 horas 

Rosane Serrano efectuando un lanzamento de sete metros, nun encontro no pavillón A Sangriña

Foto: SportCoeco

Redacción Deportes / A Guarda

 O Mecalia Atlético Guardés continúa asegurando a súa representación nas semanas internacionais. Esta vez, será a través do equipo Júnior da Selección Española, ao que se unirá de novo a primeira liña Rosane Serrano nas xornadas de concentración previstas para a semana do 2 ao 8 de marzo. A reunión do novo equipo nacional terá lugar en Elxe, onde tamén xogarán un partido amigable contra o Atticgo BM Elxe. 

 A central vasca, habitual das Guerreras Júnior, non faltou tampouco esta vez na convocatoria publicada o pasado venres por Verónica Cuadrado, nova preparadora do conxunto agora que Joaquín Rocamora asumiu a dirección deportiva da Selección absoluta. Así, Serrano estará a próxima semana do 2 ao 8 de marzo, de parón ligueiro, nunha concentración preparatoria na cidade de Elxe xunto coas outras 20 novas promesas do balonmán español que vestirán a camiseta nacional.  

 A concentración fixouse aproveitando a semana escollida por EHF para a celebración do clasificatorio ao Campionato de Europa 2026. Competición na que o pasado verán, na súa versión Júnior, as mesmas Guerreras chegaron á final e obtiveron unha medalla de prata grazas ao gran desempeño dunha Selección na que precisamente destacou a xogadora guardesa.  

 Esta semana nacional terá o seu colofón o domingo 8 de marzo, cun encontro amigable ante o Atticgo BM Elxe anfitrión, no Esperanza Lag ás 11.30 horas.  

Rosane Serrano: “É unha oportunidade para crecer e mellorar de fronte ao futuro” 

 A primeira liña do Guardés, Rosane Serrano, declarou que está “moi contenta e ilusionada de poder forma parte desta convocatoria”. A moza xogadora, habitual con esta categoría do conxunto español, sabe que non será unha concentración sinxela; ademais de situarse nun momento crucial do calendario, pois ao seu regreso esperaranlle dúas semanas consecutivas de dobre xornada incluíndo Liga e competición europea. “Sempre son semanas de moito traballo e de moita intensidade”, explica a vasca, aínda que por suposto non deixan de ser un orgullo e, especialmente, de supoñer unha gran “oportunidade para crecer e mellorar a nivel individual e grupal de cara ao futuro”. 

Listaxe completa de xogadoras convocadas: 

- Porteiras: Goundo Gassama (KH-7 Granollers), Andrea Sáez (SCDR Anaitasuna), Udane Bernabé e Teresa Antón (AtticGo Elxe) 

- Centrais: Marta Regordán (Balonmán Montequinto) e Rosane Serrano (Mecalia Atlético Guardés) 

- Laterais dereitos: Martina Català e Lucía Julve (Balonmán Morvedre) 

- Laterais esquerdos: Nerea Patiño (Caixa Rural Aula Valladolid), Belén Rodríguez (KH-7 Granollers), Laura Rodríguez (Balonmán Colores), Anna Ros e Carmen Fidalgo (Balonmán Montequinto) 

- Extremos dereitos: María Guerra (Caixa Rural Aula Valladolid), Sara Palanqués (Balonmán Morvedre) e Lucía Trinidad Bomaba (AtticGo Elxe) 

- Extremo esquerdo: Paula Lluch (Elda Prestigio) 

- Pivotes: Alicia Huertas (iKasa Boadilla), Kadiditou Jallow (Caixa Rural Aula Valladolid), Kelly N. Fonkeng e Libe Arruabarrena (Replasa Beti-Onak)