A GUARDA

‘Enredada’ de Leti da Taberna pecha o ciclo Ven ao teatro da Guarda  

• Trátase do primeiro espectáculo do ano no Centro Cultural da vila guardesa

 

Infogauda / A Guarda

 O Concello de A Guarda vai iniciar a súa actividade teatral deste ano 2026 co espectáculo “Enredada” da cómica Leti da Taberna. Será o próximo venres, 23 de xaneiro, ás 21:00h no Centro Cultural. A entrada é libre e de balde.

 “Enredada” é unha proposta escénica en forma de monólogo, cun estilo fresco e descarado. A artista achégase ás historias cotiás da xente do común con unha ollada crítica, feminista e fondamente galega, enchendo o escenario de moita sorna e crítica ás redes sociais, onde se deu a coñecer ela en 2020 e onde conta con milleiros de seguidores.   

 Deste xeito, Leti enche o escenario de luz e enerxía, provocando que a espectadora se vexa identificada coas situacións que se presentan e acabe ríndose de si mesma.