“Historias para escagarriñarse” recorda vellas historias
• Este venres, 26 de decembro, a partir das 17:30h na praza Avelino Vicente
Infogauda / A Guarda
Continúa a programación especial infantil deste Nadal. Este venres, 26 de decembro, a partir das 17:30h na praza de Avelino Vicente, chegará o espectáculo “Historias para escagarriñarse”, onde tres feirantes percorren o mundo co seu carromato contando vellas historias da cultura popular que removerán pesadelos nos incautos oíntes.
O Teatro Ghazafelhos repasará historias como as de A Cabra Montesina, As Lavandeiras, a Santa Compaña,..., co seu característico humor. A participación do público será imprescindible para poder representar estas historias, sendo un espectáculo cómico de rúa para todos os públicos.
Ningún comentario:
Publicar un comentario