‘Chegar e encher’ porá fin á programación do 25N do Concello de A Guarda
• A obra, creada e interpretada pola actriz Bea Campos, será posta en escea o sábado, 29 de novembro, ás 20:30h no Centro Cultural
Infogauda / A Guarda
A programación especial polo 25N, Día Internacional da Eliminación da Violencia contra a Muller, rematará este sábado coa obra teatral “Chegar e encher”. A función será posta en escea o sábado, 29 de novembro, ás 20:30h no Centro Cultural de A Guarda.
Esta obra é un canto ao fracaso, un divertido monólogo teatral de Bea Campos onde conviven a improvisación, a narración oral e o cabaré. Esta muller era unha nena adorable que tiña todo o que precisaba para ser feliz, pero que nalgún momento tomou decisións que a afastaron dese camiño para levala sobre as táboas dos escenario.
“Chegar e encher” é unha ácida e divertida reflexión sobre a imposibilidade de controlar as nosas vidas e a dificultade de encaixar nos roles de xénero marcados.
Ningún comentario:
Publicar un comentario