A CORUÑA

Últimas prazas para asistir ás xornadas internacionais  "Paisaxes litorais consilientes"

 

Fundación Juana de Vega / A Coruña

 Xa temos cubertas as prazas para asistir ao obradoiro coa arquitecta e paisaxista Mary Bowman, pero aínda podes participar nas xornadas internacionais "Paisaxes litorais consilientes".    

 Podes anotarte en todas as sesións en conxunto ou en cada sesión por separado. Ampliamos o prazo de inscrición nesta modalidade ata o luns, 1 de setembro!     

PREZOS 

- Xeral: 100€ 

- Sesión independente: 25€ 

- Estudantes: 30€ (só 15 prazas en total)    

Formulario de inscrición e toda a información na nosa web  

https://juanadevega.org/xornadas_e_cursos/xornadas-internacionais-paisaxes-litorais-consilientes  ­    

 Durante os catro venres de setembro e o sábado 27, a Fundación Juana de Vega, co apoio da Deputación da Coruña, organizamos as "xornadas internacionais Paisaxes litorais consilientes | A cidade da Coruña: caso de estudo para o desenvolvemento sostible desde a perspectiva da paisaxe, o capital natural e a infraestrutura verde" durante as que reflexionaremos sobre o futuro do borde litoral con profesionais e estudos de paisaxismo referentes en Europa e EE.UU.     

 Os asistentes terán oportunidade de escoitar, falar e recoller a visión de Gustafson Porter + Bowman (Londres) da man da socia e fundadora Mary Bowman; de West8 (Róterdam), que estará representado polo seu director creativo Daniel Vasini; de STOSS (Boston), desde onde viaxará Chris Reed, ou de Edward Fox, profesor titular de Arquitectura da Paisaxe na Manchester University (Manchester).     

 De España, os relatores serán Julián Sastre, presidente do Instituto de Movilidad de España; Alfonso Vegara, presidente da Fundación Metrópoli; e Francisco Javier Álvarez, xefe do Servicio Xurídico da Autoridad Portuaria de Santander (Cantabria). Ademais, en todas as xornadas participarán actores locais que, a través de mesas redondas centradas en distintas temáticas, achegarán perspectivas clave sobre o caso de estudo.