PONTEVEDRA

TOMA DE POSESIÓN DOS NOVOS MEMBROS DA XUNTA DE GOBERNO DO COLEXIO DE FARMACÉUTICOS DE PONTEVEDRA 

• O acto celebrouse na sede Pontevedra do Colexio o pasado luns día 9 de xuño 

• Ao proceso electoral concorreu unha única candidatura, que foi proclamada electa pola Mesa Electoral o 27 de maio 

Membros da nova xunta de goberno do Colexio de Farmacéuticos de Pontevedra. De esq. a der., fila superior, Mª Dolores Argibay Gutierre, Jose Antonio Fornos Pérez, Mauro Carrillo Val, Enrique Álvarez Fortes, César Balseiro López, Adrián Acuña Ferradanes, José Manuel Iglesias Moreno; de esq. a der., fila inferior, Clara Hernández González, Alba Gago García-Brabo, Miriam Pérez Diz, Elena Raviña Eirín, Beatriz García Iglesias, Marta Bartos Lorenzo, María Fernández Soneira, Eva Campelo Sánchez e Luis Castiñeiras Seijo

Infogauda / Pontevedra 

 O luns día 9 de xuño, na sede de Pontevedra do Colexio de Farmacéuticos, celebrouse o acto de toma de posesión dos novos membros da súa xunta de goberno, tras a celebración dun proceso electoral ao que concorreu unha única candidatura encabezada pola ata ese momento presidenta, Beatriz García, que foi automaticamente proclamada electa pola mesa electoral segundo establecen os estatutos da corporación. 

A presidenta do Colexio, Beatriz García Iglesias 

 Beatriz García, natural de Lalín onde traballa en farmacia comunitaria, puxo en valor que os membros da nova xunta exercen profesionalmente ao longo de practicamente toda a provincia en poboacións como Vigo, Pontevedra, Vilagarcía, Nigrán, Cangas, Redondela, A Estrada, Bueu ou Poio. 

 Na súa intervención, a presidenta agradeceu aos membros da xunta de goberno saínte o seu apoio nos complicados momentos nos que debeu asumir a presidencia do colexio, e mostrouse moi ilusionada coa nova etapa que comeza cunha xunta de goberno que aúna experiencia e mocidade, e que comparte unha mesma visión da profesión e moitas ganas de sumar desde cada ámbito de exercicio farmacéutico. 

 Fixo tamén fincapé no papel do Colexio como nexo de unión entre os farmacéuticos para seguir avanzando no profesional, de respecto, de vocación de servizo, convencida de que esta profesión ten moito que achegar á sociedade.  

Composición da nova xunta de goberno do Colexio de Farmacéuticos de Pontevedra: 

Presidenta: Beatriz García Iglesias 

Secretaria: Elena Raviña Eirín 

Tesoureiro: César Balseiro López 

Vicepresidente: Enrique Pedro Álvarez Fortes 

Vicesecretaria: Miriam Pérez Diz 

Vicetesorero: Carlos Mariño Mato 

Vocal Análise: María José Fernández Soneira 

Vocal Atención Primaria e Administración Pública: José Manuel Iglesias Moreno 

Vocal Distribución: Mª Dolores Argibay Gutiérrez 

Vocal Docencia e Investigación: José Antonio Fornos Pérez 

Vocal Farmacia Hospitalaria: Eva Campelo Sánchez 

Vocal Industria: Luis Castiñeiras Seijo 

Vocal Nutrición: Clara Hernández González 

Vocal Oficina de Farmacia (non titulares): Marta Bartos Lorenzo 

Vocal Oficina de Farmacia (titulares): Adrián Acuña Ferradanes 

Vocal Óptica, Optometría e Audioloxía Protésica: Mauro Carlos Carrillo Val 

Vocal Ortopedia: Mª Alba Gago García-Brabo