GONDOMAR

Os faladoiros do IEM

CARLOS TAIBO "Decrecemento e Colapso"

• Este xoves, 20 de marzo, ás 20:00 horas, na Aula de Cultura Ponte de Rosas

IEM / Gondomar

 O eminente profesor, escritor e editor Carlos Taibo abrirá este xoves, 20 de marzo, ás 20:00 horas, na Aula de Cultura Ponte de Rosas, un novo ciclo de "Faladoiros do IEM" coa palestra "Decrecemento e colapso".  

 Bruno Centelles, membro da xunta de goberno do IEM, presentará ao noso convidado.  

 "Recuperar a cordura en tempos convulsos da man da ciencia e das humanidades" é o título deste novo faladoiro do IEM que completarán Albino Prada, o vindeiro 25 de abril, ("Galicia, un país desnortado e minguante") e a dupla Antonio Aretxabala - Antonio Turiel, o 29 de maio, ("Crise de materiais e transición verde").

 Todos estes faladoiros terán lugar ás oito da tarde na "Aula de Cultura Ponte de Rosas" - avenida da Feira, 10 - baixo -, sede do IEM en Gondomar.