Volve a Carreira San Silvestre Guardesa
• O próximo 29 de decembro, ás 11:00 horas, no paseo marítimo de A Guarda
Infogauda / A Guarda
A Sociedade Atlética do Trega e o Concello de A Guarda organizan esta edición da Carreira San Silvestre Guardesa, tradicional do Nadal, que se celebrará o próximo 29 de decembro de 2024, ás 11:00 horas, no paseo marítimo.
Celebrarase no entorno do porto do Guarda e será unha carreira apta para maiores e pequenos, sen desnivel. Por iso, desde á organización convidan ás familias a celebrar o nadal co deporte nunha actividade festiva.
O evento terá un percorrido circular duns 4 km polos paseos e sendas da costa, en dirección norte polo Museo do Mar ata Fedorento e a o sur, cruzando o porto, continuando un tramo pola senda litoral. Tamén haberá unha ruta paralela en formato andaina de 3 km.
A inscrición é gratuíta e poderá realizarse a través dos formularios correspondentes para carreira ou para andaina da web do Concello de A Guarda ou no mesmo día unha hora antes da saída.
Esta edición volverá a colaborar con ACAPAN (Asociación de Cáncer de páncreas) en homenaxe a Dani González Adrover, con "Un sorriso que ilumine o mundo".
Ningún comentario:
Publicar un comentario