Plan de Eficiencia Enerxética e Sustentabilidade da TXSS
A Tesourería Xeral da Seguridade Social renova os paneis solares da súa oficina do Porriño
• A actuación ten un custo superior aos 91.000 euros
• Este organismo ten como obxectivo que todos os seus edificios de uso administrativo conten con placas solares fotovoltaicas
Infogauda / O Porriño
O subdelegado do Goberno en Pontevedra, Abel Losada, anunciou que a Tesourería Xeral da Seguridade Social (TXSS) acaba de formalizar un contrato por 91.856,06 €, IVE incluído, para a renovación dos paneis solares fotovoltaicos nas súas oficinas municipais do Porriño, situadas na rúa Fernández Areal.
A actuación, que permitirá a substitución e colocación de novos paneis para autoconsumo nas cubertas do edificio, terá un prazo de execución de catro meses. A empresa adxudicataria, Ecogal, deberá facerse cargo da montaxe e posta en servizo desta nova instalación fotovoltaica.
Cómpre lembrar que esta actuación está enmarcada na aposta decidida da Goberno de España e, en concreto, da TXSS por impulsar as enerxías renovables e mellorar a eficiencia enerxética dos seus edificios. Neste sentido, a TXSS ten como obxectivo contar con placas solares fotovoltaicas en todos os seus locais de uso administrativo.
Abel Losada destacou que “os esforzos do Goberno de Pedro Sánchez por facer de España un país máis verde e sustentable están a chegar a todos os niveis e en todo o territorio”.
Ningún comentario:
Publicar un comentario