A GUARDA

CONMEMORACIÓN DO SAN BIEITO "DO VRÁN"

O xoves, día 11 de xullo

Ricardo Rodríguez Vicente / A Guarda

 A festividade de san Bieito "do vrán", conmemorarase o vindeiro xoves día 11 de xullo, con misas ás 9:00, 10:00 e 11:00 horas, respectivamente, na igrexa adicada a súa advocación, preto da Ribeira. 

 A misa solemne será ás 12:00 horas, e ao remate da mesma sairá a procesión.

 Asemade, ás 19:00 horas, tamén haberá unha celebración eucarística.

 Este ano, ademais de incluir á procesión, o párroco de A Guarda, Juan José González Estévez, deu a coñecer a letra do Cántico a san Benito de A Guarda, que dí así:

1. Al pie de tu imagen,

con devoción y gozo,

venimos san Benito

tu gloria a cantar.

GRAN SANTO PROCLAMA,

CELEBRA LA IGLESIA;

Y SANTO REPITE

LA TIERRA Y EL MAR (2)

2. A Guarda celebra

milagros y virtudes,

y tu glorioso lema:

"trabajo y oración".

3. Tu estela luminosa

nos lleve hasta Cristo;

por tu nombre "Benito"

alcancemos bendición.

 Ademáis de estar considerado o patriarca do monacato occidental, fundador da Orde Bieita e a vez, padroeiro dos exorcistas; san Bieito conta na nosa localidade con numerosos devotos de toda a comarca do Baixo Miño. Non en van, A Guarda honra a san Bieito en dúas ocasions ó longo do ano. A primeira delas, o 21 de marzo, e coñécese popularmente como a festividade de "san Benitiño do inverno", e a segunda, tén lugar cada 11 de xullo e chámase "san Benitiño do vrán".     

 En ambas as dúas ocasións, os devotos ofrécenlle ó santo esmolas e exvotos de cera, representando diversos membros humanos, e incruso corpos completos, co fin de obter os numerosos beneficios que segundo a fe popular adoita conceder o popular santo, nado no ano 480 nos Montes Sabinos, preto de Roma.   

 A san Bieito atribúenselle poderes curativos de diversas enfermidades, especialmente as espullas e males relacionados coa pel. A tradición dí que para elimina-las verrugas hai que ter fe en san Bieito e apricar un pouco de aceite do lampadario do santo que se distribúe entre seus fieis.