DEPORTES

ATLETISMO

ÁLEX SIERPES PEREIRA LOGRA A MARCA MÍNIMA EUROPEA 

Nos 1.500 metros lisos en pista ao aire libre

Álex Sierpes Pereira

Sociedade Atlética do Trega / Redacción Deportes

 Álex Sierpes Pereira, atleta de A Guarda, volve brillar en Portugal coas cores do Sport Lisboa e Benfica, conseguindo a mínima europea e a da Real Federación Española de Atletismo (RFEA), a falta de 2 días para o peche estipulado para logralo, métese 3´52" 99 nos 1.500 metros lisos de pista ao aire libre, na reunión internacional de Braga, evento de máxima categoría: World Athetics Continental Tour – Challenguer (englobada no circuíto de Portugal 2024)  considerado como o mellor do país luso e celebrado no Estádio 1º de Maio (Braga).  

 Álex xa dispoñía da mínima europea (3´56"), marca que establecera o pasado 5 de maio na xornada do campionato de España de clubs de 1ª división masculina, e aínda que soe raro, as mínimas impostas pola RFEA son máis duras que as europeas a cal piden 3´59". Isto fano para preseleccionar os menos atletas posibles e facelo máis fácil. 

 Agora, Sierpes debe decidir por qué proba decantarse cara o próximo campionato de España de pista ao aire libre, xa que fixo a inscrición previa no 1.500m e os 3.000 metros lisos, que se disputará en Málaga os días 6 e 7 de xullo. E se consegue a medalla de ouro ou de prata pode sacarse o billete de participación internacional e ser seleccionado para o campionato de Europa Sub18, que se celebrará en Banská Bystrica (Eslovaquia).

 Moitas felicidades Álex. A loitar e dalo todo coas cores da Sociedade Atlética do Trega no nacional!