O ROSAL

Segunda Sesión do Espectáculo PANGEA

• Con Abraham Cupeiro e a Agrupación Musical do Rosal     

 Agrupación Musical do Rosal / O Rosal

 O vindeiro sábado 11 de maio o Auditorio Municipal do Rosal encherase da maxia e sons do mundo co espectáculo PANGEA, a cargo do talentoso multiinstrumentista Abraham Cupeiro e a banda da Agrupación Musical do Rosal.     

 Con moita ilusión, anunciamos que a primeira sesión do concerto xa está chea, grazas á estupenda acollida do público. Ante esta demanda, temos o pracer de ofrecer a posibilidade dun segundo pase para aqueles que non queiran perderse esta experiencia.     

 A nova sesión está prevista para as 22:00 horas do mesmo día, sempre que se alcance un número mínimo de asistentes. Para os interesados en formar parte desta segunda actuación, convidámosvos a apuntarvos na nosa lista de espera. Podes contactar connosco a través do número 609 866 792, preferiblemente por WhatsApp.     

 PANGEA é un espectáculo que te transportará polos cinco continentes, explorando a diversidade de culturas a través da música. Desde as "Caracolas" de Oceanía, o "Hulusi" da China, a "Gaita Búlgara", etc. Cada nota resoará como unha viaxe a lugares remotos e emocionantes.    

 Recomendamos este espectáculo que cautivou ao público dos mellores teatros e auditorios de todo o mundo. Non perdas a oportunidade de formar parte desta experiencia única no Rosal.     

 Reserva o teu lugar e únete a nós para unha viaxe musical inesquecible con PANGEA!