DEPORTES

FÚTBOL

Segunda Galicia

O SPORTING GUARDÉS RECIBIRÁ AO TOMIÑO F.C.

• O domingo 4 de febreiro, ás 16:30 horas, no Estadio  Municipal A Sangriña

Ricardo Rodríguez Vicente / A Guarda

 O Sporting Guardés continúa súa positiva traxectoria nesta temporada 2023-2024, colleitando victorias, tanto no seu feudo - como aconteceu o domingo  día 21 de xaneiro, data na que logrou vencer (3-0) ao Colexio Hogar - como a domicilio. Neste caso foi o día 28 de xaneiro, no campo do C.F. Progresista, onde o encontro rematou co resultado de 1-3.

 Dese xeito, o conxunto de A Guarda continúa moi ben posicionado (2º na táboa), con 42 puntos. Os mesmos que ten o Erizana C.F., que lidera á clasificación.

 Con esa bagaxe, o vindeiro domingo día 4 de febreiro, ás 16:30 horas, no Estadio Municipal A Sangriña, o Sporting Guardés recibirá ao Tomiño F. C. Como é de prever, o equipo visitante - situado na 5ª posición, con 33 puntos -, virá decidido a loitar, deportivamente falando, pola vitoria.

 Como é obvio, nada está decidido e todo pode acontecer, porque o Sporting Guardés leva contabilizado 13 vitorias, 3 empates e 4 derrotas, e o Tomiño F. C. está onde está porque ten 10 vitorias, 3 empates e 7 derrotas. Visto así, fríamente, ás diferencias non son siderais. Dese xeito, o Sporting Guardés vai ter que poñer toda súa afouteza para realizar un encontro brillante - no que respecta á efectividade nos tiros á porta - e non deixarse sorprender polo equipo visitante, que lóxicamente vai procurar sacar algo positivo.

 Dada á sa rivalidade existente entre ambos os dous equipos, é moi probábel que as bancadas do Estadio Municipal da Sangriña rexistren un magnífico ambiente para presenciar un encontro que pinta moi ben.