CAMPOSANCOS (A GUARDA)

NOVO ENCONTRO DE "MÚSICA E PALABRAS"

• Este venres día 2 de febreiro, ás 20:00 horas, na Casa Cultural da Comunidade de Montes de Camposancos

Ricardo Rodríguez Vicente / Camposancos

 O vindeiro venres, día 2 de febreiro, ás 20:00 horas, a Casa Cultural da Comunidade de Montes Veciñais en Man Común de Camposancos - rúa Outeiro, 40 A -  acollerá un novo encontro de "Música e Palabras". 

 Nese evento - aberto a todos os públicos - todas as persoas que o desexen teñen o palco do salón de actos a súa disposición, para dar lectura á fragmentos de obras literarias, declamar poesías,..., tanto propias como doutros autores.

 Como vén sendo habitual nesta nova temporada de "Música e Palabras", cada intervención contará co acompañamento e as notas musicais da guitarra de María José Baz Martínez, así como a atención e os aplausos do respectable público, que adoita asistir a esa grata actividade cultural, e que ten a ben premiar dese xeito aos diferentes participantes.

 "Música e Palabras" é unha iniciativa que convida á participación e á amizade. Dous ingredientes fundamentais para sentirnos ben, sen ningún tipo de contraindicacións.