VIGO

O COMITÉ DE EMPRESA DE VITRASA RECRÁMALLE Á ABEL CABALLERO

E que obrigue a Vitrasa a chegar a acordos que permitan desbloquear o conflito

Mobilización do persoal de Vitrasa, concesionaria do transporte urbano de Vigo

Foto: FB

Comité de Empresa de Vitrasa / Vigo

 No día de onte a convocatoria de reunión de negociación realizada pola dirección de Vitrasa acabou novamente sen acordo. A única intención da empresa era que valorásemos a anterior proposta realizada días atrás e que o comité xa cualificou como totalmente insuficiente. 

 A pesar dun achegamento de posturas inicial onde ambas as partes cediamos un pouco ás necesidades da parte contraria e chegar a un acordo que iniciaría a negociación; a empresa, tras un receso, cambiou radicalmente a súa postura volvendo ao momento inicial. 

 Desde o Comité de Empresa entendemos que Vitrasa atópase cómoda coa folga e non ten necesidade de dar solución ao conflito. 

 Novamente apuntamos a Abel Caballero como factor imprescindible para a solución ao problema do transporte na súa cidade; reclamándolle que obrigue a Vitrasa a chegar a acordos que permitan desbloquear o conflito.