Vergoñenta actuación de Vitrasa no AGA
Comité de empresa de VITRASA / Vigo
Na tarde de onte viviuse unha das actuacións máis vergoñosas por parte dunha empresa durante o transcurso dunha mediación. Aínda que Vitrasa xa tiña unha traxectoria de actitudes totalmente contrarias á negociación en anteriores mediacións, chegando mesmo a expor baixadas salariais en metade dunha destas reunións de negociación, a de onte foi un total despropósito.
Unha mediación solicitada por Vitrasa e na que a empresa non realizou nin unha soa mostra de achegamento, ofrecendo unicamente un calendario de negociacións baleiro de contido, a pesar de ter convocado a reunión.
Esta actitude transmite unicamente o pasotismo, a desvergoña e a falta de respecto de Vitrasa cara aos seus traballadores/as, a autoridade laboral e a cidade de Vigo, incluíndo ao seu alcalde, que fai só un par de días esixía unha negociación inmediata e sen pausa ata alcanzar un acordo tras anunciar que reequilibraría as contas da empresa.
Unha mediación debera supoér un acto de boa fe, pero Vitrasa na de onte demostrou todo o contrario. Con esta actuación a empresa condena a cidade de Vigo a sufrir unha folga indefinida nun momento do ano no que a circulación polas súas rúas vólvese moi complicada.
Dende o comité non podemos facer outra cousa que solicitar a retirada da concesión a unha empresa que volve demostrar unha vez máis que a súa única intención é apoderarse do diñeiro público sen pretender realizar ningunha mellora no servizo.
Esíximoslle ao alcalde de Vigo unha actuación contundente e inmediata contra a compañía, xa que pola contra estará a demostrar que existe unha complicidade entre a dirección e a Alcaldía..
Ningún comentario:
Publicar un comentario