CAMPOSANCOS (A GUARDA)

A mellora dos servizos públicos, a senda arredor do Trega e a recuperación da praia Armona-Lamiña

Prioridades dos socialistas para Camposancos 

 

Mª Montserrat Magallanes, lidera a candidatura a presidencia da Entidade Local Menor de Camposancos, xunto a Alberto Lomba González e José Manuel Domínguez Freitas

Infogauda / A Guarda

 Os socialistas de A Guarda fixan entre as súas prioridades para o próximo mandato a mellora dos servizos públicos da Entidade Local Menor de Camposancos. 

 “Impulsaremos, coa colaboración doutras institucións, a senda de Camposancos e a rehabilitación medioambiental da praia da Armona-Lamiña”, asegura Mª Montserrat Magallanes, que lidera a candidatura a presidencia da Entidade Local Menor de Camposancos, xunto a Alberto Lomba González e José Manuel Domínguez Freitas. 

 “Pero ademais destes proxectos de maior envergadura, traballaremos sen descanso para garantir o abastecemento domiciliario de auga, manter limpos os camiños e mellorar a mobilidade”, explica. 

 “Temos o compromiso de reformar a rúa Salgueiró, a segunda fase da Subida a Sanamaro, así como a xestión de recursos para coidar e potenciar o patrimonio de Camposancos”, engade Magallanes.