A GUARDA

I XORNADAS DE MEMORIA HISTÓRICA

• Os días 27, 28 e 31 de marzo

Infogauda / A Guarda

 Organizadas pola Asociación para a Recuperación da Memoria Histórica do Campo de Concentración de Camposancos e a Fosa Común de Sestás, o IES A Sangriña e Concello de A Guarda, os días 27, 28 e 31 de marzo, vanse celebrar as I Xornadas de Memoria Histórica.  

 No IES A Sangriña, para o alumnado, será ás 12:20 h.; e  para o público en xeral, os días 27 e 28 na Casa dos Alonso, e o día 31, ás 20:00h., no Centro Cultural da vila.  

 Estas xornadas estarán a cargo de:  

Día 27:

José Ballesta de Diego, director do Museo Municipal de Vigo "Quiñones de León", e Beatriz Lis, versarán sobre o Memorial de Camposancos, e testemuños e documentos para dar voz á verdade.  

Día 28:

Xesús Alonso Montero, membro da Real Academia Galega e catedrático emérito de Literatura galega, da Universidade de Santiago de Compostela, falará das Cartas de republicanos galegos do Baixo Miño condenados a morte no 1936. 

 Día 31: 

O doutor Fernando Serrulla Rech, licenciado en Medicina e Cirurxía pola Universidade de Valladolid, máster en Antropoloxía Física e Forense pola Universidade de Granada, e presidente da Asociación Galega de Médicos Forenses (AGMF), tratará sobre Antropoloxía forense e dereitos humanos.  

Nota da Redacción de Infogauda: 

 Como queira que un membro da Asociación para a Recuperación da Memoria Histórica do Campo de Concentración de Camposancos e a Fosa Común de Sestás vén de facilitarnos novo cartel cun cambio de data, decidimos facer a correspondente modificación actualizando á información que habiamos publicado inicialmente.