A GUARDA

Apertura da inscrición nos obradoiros de conciliación durante Semana Santa 

• Que organiza o Concello de A Guarda  

Infogauda / A Guarda

 A concellaría de Igualdade do Concello de A Guarda abrirá o venres 17 de marzo o prazo para solicitar praza para os obradoiros Conciliaguarda. 

 Estes obradoiros de tempo de lecer para crianzas teñen carácter gratuíto e como obxectivo principal van dirixidos a facilitar a conciliación da vida persoal e laboral no período non lectivo de Semana Santa, así como promover a sensibilización en igualdade entre nenos e nenas dentro das actividades que se realicen.   

DATAS, HORARIO E LUGAR DE REALIZACIÓN DOS OBRADOIROS

 Os obradoiros terán lugar no Centro Cultural de A Guarda, os días 3, 4, 5 e 10 de abril de 2023 (non lectivos polas vacacións escolares de Semana Santa)  en horario de 8:30 a 14:30h. No caso de necesidade das familias, poderá facerse un horario reducido de 9:00 a 14:00h. 

PARTICIPANTES

 30 crianzas con idades comprendidas entre os 3* e os 10 anos, empadroadas no concello de A Guarda**, 

*As crianzas de 3 anos teñen que estar escolarizadas. 

**No caso de quedar prazas vacantes poderán participar crianzas doutros concellos.  

 No caso de adquirir praza e ter unha discapacidade ou patoloxía, solicitarase informe do EVO e/ou informes complementarios da necesidade de apoio necesaria.  

INSCRICIÓNS

 Presencialmente no Rexistro do Concello de A Guarda ou na sede electrónica, desde o día 17 ata o 24 de marzo. No caso de presentación electrónica será preciso cubrir unha instancia xeral e axuntar cuberta a ficha de inscrición Conciliaguarda que se pode atopar na web municipal.  

 Se as inscricións superan o límite de prazas, realizarase un sorteo público o día 28 de marzo ás 13:00 h no vestíbulo do Concello de A Guarda (Casa dos Alonso). 

 O listado de crianzas admitidas será publicado na web do concello e no taboleiro de anuncios da Casa dos Alonso, e aparecerá codificado co número de rexistro da solicitude, polo que resulta importante conservar o comprobante da presentación da mesma.  

 Para máis información pórse en contacto co Centro de Información á Muller (CIM) do Concello de A Guarda: teléfono 986 614 648 / enderezo electrónico: muller@aguarda.es