A GUARDA

FEIRA DE EMPRENDEMENTO NO IES A SANGRIÑA 

• Celebrarase o 15 de Marzo, de 9:00 a 14:00 

Ana Adán Míguez* / A Guarda

 O Ministerio de Inclusión Social a través de Axuda en Acción implementa o programa Emprende en 51 centros de FP de Galicia, Estremadura e Andalucía.  

 Baixo o lema "Cambiar o presente, Garantir o futuro", o programa piloto traballa de forma transversal en diferentes compoñentes: 

1. Orientación vocacional e profesional .

2. Adquisición de competencias craves e dixitais. 

3. Espazo Maker. 

4. Relación coa contorna. 

 Actualmente, estamos a pechar o Espazo Maker e farémolo o 15 de Marzo, de 9:00 a 14:00 coa Feira de Emprendemento que terá lugar no vestíbulo do IES A Sangriña na Guarda. Durante este evento, o alumnado dos Ciclos de FP presentará os prototipos creados durante o itinerario Maker, para poder testealos.   

 Os proxectos que se presentan teñen unha base social, non pretenden ser modelos de negocio, senón que buscan o impacto positivo nas persoas da  contorna próxima do estudantado. 

*  Asesora de emprendemento no IES A Sangriña dentro do programa Emprende.