ROBERTO JOSÉ ÁLVAREZ CARRERO, PORTAVOZ DOS POPULARES DA GUARDA: “A INOPERANCIA DE ANTONIO LOMBA E MONTSERRAT MAGALLANES PON EN PERIGO O CIS (CENTRO INTEGRAL DE SAÚDE) DA GUARDA”
Infogauda / A Guarda
“En outubro do ano 2022, os populares de A Guarda conseguiron a adxudicación dun CIS na Guarda onde se incorporarían servizos médicos novos e especializados para toda a comarca do Baixo Miño, evitando así desprazamentos a Vigo, e permitindo con iso mellorar a situación de servizo en Atención Primaria e o Punto de Atención Continuada. Como sabemos, os (CIS) Centros Integrais de Saúde comprenden diversas especialidades médicas e son útiles para mellorar a asistencia sanitaria de comarcas populosas que están relativamente afastadas dos seus hospitais de referencia”. Iso é o que vén de referir o portavoz do Grupo Municipal do Partido Popular, e candidato á alcaldía de A Guarda nas eleccións municipais do vindeiro 28 de maio, Roberto José Álvarez Carrero.
En palabras de Álvarez Carrero: “A Consellería de Sanidade só pedía un terreo para construír o Centro. Pasou máis dun ano sen que o goberno de Antonio Lomba e Montserrat Magallanes achegasen terreos ou dado resposta concreta. Por desgraza, periga a constucción desta infraestrutura fundamental para o noso pobo e toda a comarca pola inoperancia do goberno socialista imposto aos guardeses e guardesas por Anxo Baz e o seu BNG”.
Os populares pregúntanse “se detrás desta desidia do goberno de Lomba e Magallanes, e do seu socio de investidura e goberno Anxo Baz, existen motivos e intereses partidistas e políticos para non dar resposta a esta estrutura fundamental para o desenvolvemento da Guarda”.
Ningún comentario:
Publicar un comentario