TOMIÑO

Aliméntate ben co comercio tomiñés. 

Porque comer é unha necesidade, pero tamén un pracer: Aliméntate ben. 

ADETO / Tomiño

 A Asociación de Autónomos de Comercio, Hostalería e Industria de Tomiño (ADETO) lanzou esta semana unha nova campaña para que os clientes do comercio local enchan a súa cesta da compra cos mellores produtos de alimentación. 

 Produtos gourmet, alimentos frescos e de calidade ou os mellores doces, son algunhas das opcións que os clientes atopan nos establecementos de Tomiño e nos que poderá invertir o vale de 100 € a persoa gañadora da campaña ‘Aliméntate ben’. 

 Para participar na campaña, cofinanciada pola Xunta de Galicia e coa colaboración do Concello de Tomiño, os clientes so terán que mercar nos establecementos asociados a ADETO e entrarán directamente no sorteo. 

 O premio poderá canxearse Alimentación y Estanco Empalme, Aliprox Goián, Carnicería Florentiña, Entrelagar, Mundo Dulce ou Supermercado Turonia (Vilachán). Sendo necesario que se reparta o gasto en, a lo menos, dous dos establecementos.  

 A suba de prezos dos alimentos afecta aos consumidores e tamén ao comercio local por iso dende ADETO queren aproveitar esta campaña para animar á xente a seguir apostando polo comercio de proximidade.

(R.)