A Xunta de Galicia inclúe uns investimentos iniciais por 17,8 M€ para as comarcas do Condado, A Paradanta e O Baixo Miño no proxecto dos Orzamentos 2023
As bisbarras do Condado e A Paradanta roldarán os 10 M€ con actuacións na PLISAN, os plans Hurbe de Crecente, Arbo e Salvaterra, as obras de saneamento e abastecemento en Salvaterra, Arbo e Ponteareas ou os centros de saúde de Salvaterra e Crecente
No Baixo Miño o principal investimento é a continuidade do enlace de Areas da VAP Tui-A Guarda con 6,7 M€, aínda que tamén hai partidas para a mellora do peirao da Pasaxe, na Guarda, o plan Rexurbe de Tui, ou o PEP do Calvario, no Rosal, entre outras
“A Xunta de Galicia é a administración que máis inviste, de longo, no sur da provincia, pero estes investimentos só son un punto de partida que se incrementará coas ordes e plans que xurden ao longo do ano ou con outras obras xa comprometidas, como a ampliación do IES Alonso Ríos de Tomiño ou a mellora hidráulica de Viladesuso en Oia”, detallou Luis López
Infogauda / Comarcas
A Xunta de Galicia inclúe uns investimentos iniciais de 17,8 millóns de euros para as comarcas do Condado, A Paradanta e O Baixo Miño no proxecto de Orzamentos 2023, segundo revelou hoxe o delegado territorial de Pontevedra, Luis López, durante o acto de presentación territorializada das contas.
“A Xunta de Galicia é a administración que máis inviste, de longo, no sur da provincia, xa que o punto de partida en investimentos sitúase nestes 17,8 millóns de euros, unha contía recollida de xeito específico e nominativo, que xurde do noso compromiso con este territorio e que vaise ampliar con total seguridade a través dos plans, convenios, ordes de axudas ou novos proxectos que xurden ao longo do ano ou con outras obras xa comprometidas como a ampliación do IES Alonso Ríos de Tomiño, por citar só algún exemplo cun importe moi destacado”, manifestou o representante autonómico.
Investimentos no Condado e A Paradanta
As comarcas do Condado e A Paradanta van roldar, de entrada, os 10 millóns de euros en investimentos con actuacións destacadas na plataforma empresarial PLISAN tanto en Salvaterra do Miño como nas Neves, coas humanizacións e melloras urbanas do Plan Hurbe en Crecente, Arbo e Salvaterra, as obras de saneamento e abastecemento en Salvaterra, Arbo e Ponteareas, a modernización dos centros de saúde de Salvaterra e Crecente ou a reforma da oficina de emprego de Ponteareas, entre outras.
Investimentos nos Baixo Miño
Por outra banda, na bisbarra do Baixo Miño, o principal investimento será a continuidade do enlace de Areas, pertencente á Vía de Altas Prestacións (VAP) Tui-A Guarda, que contará cunha partida de 6,71 millóns de euros no marco da súa execución plurianual. Sen embargo, tamén están previstas outras actuacións, como o reforzo da estrutura do peirao da Pasaxe, na Guarda, o desenvolvemento do programa de rehabilitación e vivenda Rexurbe de Tui ou a mellora hidráulica do río Viladesuso, no Concello de Oia.
Principais investimentos 2023 da Xunta nas comarcas do Condado e A Paradanta
Salvaterra
PLISAN 1.180.000
As Neves
PLISAN 464.000
Arbo
Planta de transferencia de residuos 1.640.000
Crecente
Plan Hurbe 134.000
Arbo
Plan Hurbe 360.000
Salvaterra
Plan Hurbe 484.000
Mondariz
Redacción do PXOM 19.000
Arbo
Senda peonil na PO-400 2.700.000*
Salvaterra
Senda peonil na PO-402 2.700.000*
Salvaterra
Obras de depuración 100.000
Ponteareas
Convenio con Acuaes para depuradora 700.000
Arbo
Rede de abastecemento 1.490.000
Salvaterra
Novo Centro de Saúde 300.000
Crecente
Novo Centro de Saúde 200.000
Ponteareas
Reforma da oficina de emprego 208.000
Ponteareas/Salvaterra
Obradoiros de emprego 655.000
Principais investimentos 2023 da Xunta na comarca do Baixo Miño
Tui
Enlace de Areas da VAP Tui-A Guarda 6.710.000
A Guarda
Estrutura do peirao da Pasaxe 302.000
Tui
Programa Rexurbe 558.000
O Rosal
PEP de O Calvario 25.000
Oia
Mellora hidráulica do río Viladesuso 320.000
A Guarda/Tui
Obradoiros de emprego 655 .000
*Esta partida compartida de 2,7 millóns de euros ten, como actuacións nominativas, estas dúas en Arbo e Salvaterra e outras dúas nos concellos de Bueu e Cangas do Morrazo.
Ningún comentario:
Publicar un comentario