A Guarda vai celebrar o Día da Mobilidade cun paseo en bicicleta
• O vindeiro domingo, día 18 de setembro.
• A saída será ás 11:00h dende a Alameda.
• O percorrido será de 7 quilómetros, recomendado para maiores de 10 anos.
Infogauda / A Guarda
Para festexar o Día da Mobilidade, o Concello de A Guarda, en colaboración co Club Ciclista Guardés, organiza este domingo, día 18 de setembro, un paseo en bicicleta polo casco urbano da vila.
Cun percorrido de 7 quilómetros recomendado para maiores de 10 anos, o devandito paseo comezará ás 11:00h dende a Alameda, e contará con avituallamento, un pequeno agasallo para os participantes e un sorteo ao final do percorrido.
O itinerario previsto pasa polas inmediacións das praias da Ribeira, O Carreiro, Fedorento e Area Grande, todas elas situadas moi preto do casco urbano e ás que é moi doado e cómodo achegarse a pé ou en bicicleta.
As inscricións están xa abertas a través dun formulario en liña, ata o sábado 17 de setembro.
Tamén se porden facer as inscricións chamando ao teléfono 986 610 000, de 8:00 a 15:00 horas.
Esta actividade enmarcase dentro da Semana Europea da Mobilidade, e con ela dende o Concello de A Guarda preténdese sensibilizar sobre a conveniencia e os beneficios que para a saúde ten realizar actividades a pé ou en bicicleta.
En palabras de Mª Montserrat Magallanes, concelleira de Deportes e de Medio Ambiente, un dos obxectivos do equipo de goberno municipal é o de mellorar a mobilidade e accesibilidade da vila de A Guarda, favorecendo ademais a práctica deportiva e os hábitos de vida saudable.
Ningún comentario:
Publicar un comentario